EN  DE  RO  
SHERUNI QHAM  NEVIPE  VASH  |  AVAZYA RAFIN

So si AVAZYA Rafin?

AVAZYA Filmeske Profesionistengi Rafin lansirisali pe 6-to Mashkartheutno Romane Filmesko Festivali AKE DIKHEA? ko bersh 2022 thay phiravgyola kotar e ekipa e AKE DIKHEA? thay si temelimi ano Berlin, Germania. Olako lugyaripea bayripaski rafin e resipea kay te bayarel o shaipe vash Romane filmeske profesionistya thay te avokinel pe Evropako niveli vash politikengo yaveripe direkt yekhipe thay inkluzia e Romane filmeske profesionistengo ko mashksrthemutno filmesko trego. AVAZYAsi vash diversiteti thay buderipe e mothavipyengo e Romane manushengo. AVAZYA esko pratsav si intersekcionaluno thay buderi-perspektivuno, odoleske vi o na-Romane filmeske kerutne e divers marginalizime avipea si shukar ajukerde jene.

Soske ekzistinela o AVAZYA?

Romane filmeske kerutne, mothavipya thay perspektive historikipea siien ulavde kotar e filmeski industria. Sar rezultati, racistuno storiengo mothavipe dominirinela ko buhlo filmengo keripe thay kultura ko sah Evropake rashtre, baziripea pe yaveripe thay diskursie na peripasko. AVAZYA temelisalo sebepea kay te nakhavgyol akava na balansi thay o talo reprezentipe e Romengo ani lumia e filmengi thay may buhle.

So kera amen?

  • AVAZYA si yekh transparentuni rafin fokusipea pe komunitetesko phikodeipe, avokipe thay janipasko ulavipe. 
  • AVAZYA dela phiko eksplicitea numay na ekskluzivipea Romane filmeske kerutnengo ini pe niveli e maybuhle evolviropasko e olenge profesionalune janipyengo thay pe niveli e laqharipasko e aksesesko pe Evropako filmesko trego.
  • AVAZYA dela phiko filmeska indistriake pe portretipe e autentik thay diversune Romane perspektivengo.
  • AVAZYA dela mashkarthemutno, sahastardo thay uqe profilesko yaveripe ani tema e Anticiganizmesko ani Evropa, maybut ano umal e filmesko. Anticigabnizmo korkor sar vi o qhelalo, stereotipikuno filmesko reprezentipe e Romane manushengo musay te penjargyon sar dikhle Evropake problemya, thay o janipe vash olenge musay te ovel may hor thay te ulavgyol.

Soske te pashon amenca?

AVAZYA si sig bayripaski rafin koya dela mahatnipe e komuniteteske phikodeipaske thay janipaske ulavipasko mashkar o jene. Ka len regularune informacie pe unikat shaipya dende kotar o AVAZYA jene sar vi general informacie vash finansipe, treningo thay yaver shaipya. O procesi e registripasko pe amari ofisial somjenipaski platforma si sade. Registringyon prekal akaya forma.

Ko anglune shov maske reslem te sigurina yekh gendo e uqe profileske profesionalune evolviripaske treningeske shaipya, In the first 6 months we have managed to secure a number of high profile professional development training opportunities, tromalipe kotar pokipe vash festivalya thay avokipe vash targetime informaciengo kedipe thay strukturimo finansipe ko Evropako niveli. Shay te drabaren maybut vash amari buti akate.

© 2025