Malve Lippmann
Malve Lippmann shrdingya kariera palo olake studie sar tromali rejisera thay artista. Sine godorni vash yekh gendo e mashkarthemutne performansengo, opera thay teatroske produkcie. Sar e bershestar 2010, kergya buti sar kuratora thay kulturaki menajera. Oy si Som-Temelipasko jeno thay Artistikuni Direktora e bi’bak, yekh proyekt than ano Berlin, e fokusea pe transnacionalune narativya, migracia, globaluno mobiliteti, thay oenge estetikune dimenzie. Oy pe ayni vaht temelingya Sinema Transtopia, yekh filmengi seria. Lippman ake alosarde publikacie si Please Rewind – Germanyuno-Turkyuno filmi – thay Video Culture in Berlin (Archive Books, 2020), Bitter Things – Narratives and Memories of Transnational Families (Archive Books, 2018).
Heleen Gerritsen
Heleen Gerritsen studiringya Slavikune studie, Ratyoriguna Evropaki historia, thay ekonomia ano Amsterdam thay St. Petersburg. Ani Germania, lela treningo sar filmeski rejisera thay kergya buti ko odova umal, sar vi ko arhivako rodlaripe. E bershestar 2017, sine direktora e goEast – Festivali e Centraluna thay Ratyoriguna Evropake FIlmesko ano Wiesbaden thay kuringya e simpozia ko teme e filmeska historiako, mashkar yaver sheya. Sar e yunesta 2025, oy si artistikuni direktora e Deutsche Kinemathek. Oy si ulavipea dedikimi te kerel vizibilune o marginalizime avazya thay promovipe e emergentune talentengo.
Riah Knight
Riah Knight si Britanyuni-Romani artista koya jivdinla ano Berlin. Muzicienta, aktora, thay hramarni angluni ver lela penjaripe ano teatro, performipea ano Maxim Gorki Teatro thay Glossy Pain kolektivi. Phandi ko feministno godinipe, olaki buti sfidinla o drom e janipasko, muzikake vastipasko, poeziako thay performansako vash te thovel pe puqipe o hierarhune narativya thay te ripenjarel juvlano dikhipe. Performingya ani Evropa, som-autora e khelipyengo kola vijainde todine, thay kergya yekkh gendo e produkciengo. Olako paluno EP, Wicked Laughter, publikisalo ko Novembri 2024.
Zejhun Demirov
Zejhun Demirov si Germanyuni filmesko aktori. Oleski aktripaski keriera shrdingya ko ternengo kluvi ano Düsseldorf Schauspielhaus. Ov lela penjaripe angli kamera sar studenti ano Mehmet Yilmaz ani televiziaki seria Der Lehrer (2009-2016). Akava phiravdilo e yaver rolenca ko Germaniake televiziake serie. Vash olesko portretipe e terne Muslimanesko Oray ko luge metrazhako filmi Oray, lela poqin Götz George Terno Talenti Todina ko First Steps Film Awards ko bersh 2018 vash olesko aktripasko resipe. Zejhun Demirov jivdinla ano Düsseldorf.