︎
EN  DE  RO  ︎  ︎

SHERUNI QHAM  FILMYA  OVIPYA  PROGRAMI  KOTORLEYUTNE  VASH  |  AVAZYA RAFIN

Alecio Araci

Alecio Araci (biyamo pe 1992) sile nakhipe pe DIY thay underground kultura thay kergya but buti ko uqe thay tikne bujeteske proyektya sar ko mashkar e 2000 bershengo. Mashkar o bersha 2015 thay 2018, ov siklilo ko bachelor programi vash filmi ano Valand Academy ano Gothenburg thay sar odole vahtestar lugyargya oleski kreativuni buti anglo thay pali kamera. Nakhlo bersh Olesko filmi “Chavo” triumfingya e todina vash mayshukar harna metrazhako filmi anoAKE DIKHEA?.Oleske kamipea vash zhanreske filmya thay barlesk, sarsakana rodla kay te arakhel balansi mashkar o bizaruno thay regularuno ani oleski buti.

Sejad Ademaj

Sejad Ademaj mayangle studiringya scenaristi thay studiringya e rejia ano Baden-Württemberg Film Academy sar e bershestar 2022. Sar qhavoro e Romana familiako kotar Montenegro, jivdingya ani Germania kotar 1991 ji pe 2008 e tolerime beshipaske statusea, kova sine pherdo na siguripea thay dara vash deportacia. Pali mashkarutni shkola, kergya treningo vash eventengo menajeri thay lela Bachelo vash Media Design thayProdukcia ko bersh2020. Sejad shrdingya oleske scenaristeske studie ano Film Academy ko bersh2020. Olesko duyto filmi “Deshu panj minutya” premierimo ko 2022 Hof Film Festival, vijaingya dissave poqinya, thay kergya ole te iringyol pe rejia. Olesko nevo filmi, “Deutsche Sprache, schwere Sprache,” sinele e premiera ko bersh 2023 ko Hof Film Festival.

Liviu Barbulescu

Liviu Barbulescu biyasalo thay bayrilo ano Bucharest, thay akana jivdinela thay kerla buti mashkar Bukuresht thay Berlini. Olesko avipe si pe mothavipasko thay edukipaski animacia. Ov kerla buti sherunipea sar freelancer vash BRO. "The Life and Miracles of Saint Nicodemus of Tismana" si Olesko angluno harno filmi. Aktualipea kerela buti pe Olesko avutno proyekti, kova si phanglo e demokraciake agoripea ko bersha 1930 ani Rumunia

Millie Cooper

Bayardi ano Kent, e romani juvli thay filmeski kerutni Millie Cooper studiringya ano Goldsmiths University ano London. Oy kreiringya “Conversations with Romany Women”, so sikavela o jivdipe e Brotaniake Romengo. Cooper kergya buti ano VFX industria sar koordinatora. Ko akava vahti, oy hramingya thay kergya rejia e “Ice Cream”, inspirimi kotar o vakeripe e romenca, maybut e producenta Liza Mortimer. On solduy mangle te sikaven yekh qhavorikanipe kova si pashutno sar olengo – magkuno, numay karakterizimo kotar o jivdipe e romengo ano UK. Millie si akana day. Oy dikhela suno te lele para qhaya ano set thay te bayarel yekh nevi generacia e Romanichal pali kamera.