Directors
Carmen Baltzar
carmen / Carmen Baltzar (Helsinki/Lisbon) si autora, rezhisera, thay artista. Olaki buti traversinla kulturake thay metafizikake realitetya, vastipea olako trupo sar avazo mashkar o lumie. All The Love in My Body - Sah O kamipe Ano Mo Trupo - si olako angluno hramimo filmi.
Lotta Becker
Palo studiripe e arhitekturako ano Berlinesko Univerrsiteti vash Artya, Lotta Becker lela kotor ko Evropako Filmesko Koleji ani Danimarka. Ko yaver bersha, kergya buti ko ververutne filmeske proyektya sar produkciaki asistenta, rezhiaki asistenta, thay montazhera. Ko bersh 2024, shrdingya olake rezhiake studie ko Filmesko Universiteti Babelsberg KONRAD WOLF.
Simona Constantin
Simona Constantin (she/her) si dokumentarune filmeski kerutni/o kotar Bukuresht, e bare interesea ani muzika sar namaterialuno kustikipe. Dedikingya 10 bersha pe eksploripe e jivdipyengo e tradicinalune muzikake khelutnengo thay o yaveripe kolea on arakhnape. Olako pratsav pe filmesko keripe si informimo kotar o bersha e butikeripasko sar dizaynera thay producenta e kulturake thay edukaciake eksperiencengo vash terne manusha.
Eva Giannelou
Eva Giannelou si fitigrafa kotar Atina thay filmeski kerutni koya sherunipea kerala buti ani dromeski thay dokumentaruni fotografia. Agoringya skoluipe vash Arti thay Fotografia thay aktualipea studirinela o Bioskopi ano Heleniako Puterdo Universiteti, olaki buti fokusingyola pe stroyengo mothavipe, socialune puqipya, thay manushenge narativya kola arakhlona ko sakodivuno jivdipe.
Stavros Andreas Kostakis
Stavros Andreas Kostakis is an Athens-based engineer, photographer, and filmmaker with a focus on street and documentary work. Drawn to everyday life, social themes, and less-visible communities, he has contributed to audiovisual projects in direction, set coordination, and editing.
Rastislav Kupšo
Rastislav Kupšo, rezhiako studenti ani Akademia vash Performipaske Artya ani Bratislava, kreirinla filmya vash doshalipe, peravipe thay rodipe e kamipasko. Oleske karakterya si bi jande manusha kola rodena te oven bahtale. Ov treterinla akala teme e khelipea thay magia, anipea e poezia thay fantazia ko oleske storie.
Marco Pinnavaia
& Cecilia Rizzuto
Marco Pinnavaia si Italiako hramarno thay filmesko kerutno, biyamo ko bersh 1993. Ko bersh 2018 publikingya debutipaski novela, Puerto de Luna, ratyoriguno spageti. Prekal oleske dokumentarya rodla o avrirendune storye kotar amalipaske margine. Oleski debutipaski fiksia harno filmi, The World Is Ours, lela poqinya ko buderi themutne thay mashkarthemutne filmeske festivalya.
Cecilia Rizzuto biyasali ano Milan ko bersh 1998. Studiringya historia ano Milan, kote kerala buti sar dudyengo thay setesko dizayni vash eventya, reklame thay filmya. Ko bersh 2023 kergya rezhia e harne eksperimentalune filmeski Titovskij. Som olaka kolega Marco Pinnavaia kergya rezhia e ¡Volare Volare! – Esméralda's Family to the Pilgrimage of Santa Sara in Saintes-Maries-de-la-Mer, so vijaingya Mayshukar FIlmi ano RROMA Film Festival ano Brașov, Romania. Kergya rezhiako debuti e fikciake harne filmea Armed Lovers, yekh noari qhivdo pe yekhvahtuno Milani. Multisala. His second novel, Paris is a Party, will be published in 2026.
Charles Newland
Charles Newland si todinako vijayutno filmesko rezhiseri kotar Romani-Gypsy avipe kotar Nottingham, UK. Ov si temelipasko manush e filmeske kolektivengo Notown Films thay original jeno e IRFC. Kergya filmya vash thay kergya buti kola silavdile ano Tate, BBC, VICE, BFI, thay The Guardian - oleske filmya pe ayni vaht proyektisale ko ververutne mashkrthemutne filmeske festivalya. Charles shrdingya oleski kariera keripea buti ano avant-garde thay eksperiemtnalune filmya.
Dáša Raimanová
Dáša Raimanová si filmeski rezhisera kotar London-Berlin biyami ani Slovakia, kolaki buti sikavla maybut socio-politikune teme. Dáša kergya rezhia vash harne dokumentarya vash Al Jazeera, Arte, thay Deutsche Welle (DW), dikhlaripea Across the Road - Worlds Apart (2019), so sikavdilo ko enya Evripake rashtre thay tesla milionenca globaluno dikhipe ano DW-esko YouTube platforme.
Patrick Schaefers
Patrick Schaefers si antifashistesko aktivisti thay social butikerno kova jivdinla ano Bremen.
Allegra Schneider
Allegra Schneider kerla buti ano Bremen thay mashkarthemutnipea - keripea ledeipe e verver, mobil ekipenca ano proyektya kola adresinena anti-fashizmo, migracia thay mamuy ekskluzia e Romengi. Oy si pe ayni vaht hramarni thay reportera. Olake debutipaske butya As Voluntarily as Possible (Möglichst Freiwillig) (2018), filmi vash forsirimi mogracia, edukacia thay solidariteti kergya turneya ano shkole, kulturake centre, festivalya thay art-kheresle bioskopya.
Maria Ulrich
Maria Ulrich si manushikane hakayengi aktivista thay gilavla ano Dresden. Ko vahti a fashistune atakesko pe Romane kherenge kompleksya ani Qekiaki Republika ko 2013, oy uli khetane e dizunenca pe phiokdeipe e anti-fashistune protestengo. Oy si som temelipasko manush e rafinako koya raportinla thay vazdla e godi vash e historia, marginalizacia, thay rezistenca e Romana populaciako.
Gogo Vanev
Gogo Vanev biyasalo ani Bulgaria. Palo studiripe e bioskopesko ani Belgia (HELB), kergya buti sar kamerako asistenti thay dokumentari DOP anglo kompletipe e Masteresko vash Skriptako Hramipe (IAD) ko bersh 2022 thay keripea buti sar yunior skriptako hramarno ko TV serie. Gadjé si olesko angluno profesionaluno filmi.
Béla Váradi
Béla Váradi si Rom thay queer vizualuno artisti koleski buti kontrinela o kosipe thay politikuni marginalizacia ani sah Evropa. Jivdinla ano London thay kerala kombinacia e fotografiako dokumentari thay kotorleipaski praktika vash te mothavel storie kotar o komunitetya formirime kotar o maripe, qororipe, thay sistematikuni diskriminacia. Oleski buti sikavdili ano The Guardian, Balkan Insight, thay WOZ, thay ekspozisali mashkarthemutnipea.